уш

уш

Г.: ыш

1. ум; способность мыслить, основа сознательной, разумной жизни (шонен моштымо)

Пӱсӧ уш острый ум;

волгыдо уш светлый ум.

Уш – оза, шинчымаш – уна. [/i]Калыкмут.[/i] Ум – хозяин, знание – гость.

Ик уш сай, кокытшо путыракат сай. [/i]Калыкмут.[/i] Один ум хорош, а два ещё лучше.

Сравни с:

уш-акыл, акыл

2. сознание, рассудок; состояние человека в здравом уме и памяти, способность отдавать себе отчёт в своих поступках, чувствах

Икмыняр кече гыч веле ушем йӧршынлан пӧртыльӧ. [/i]А. Юзыкайн.[/i] Только через несколько дней полностью вернулось моё сознание.

(Микайла) уш йомдарымешке ик ганат йӱын огыл. [/i]А. Эрыкан.[/i] Микайла никогда не пил до потери сознания.

3. память; способность сохранять и воспроизводить в сознании прежние впечатления, опыт, а также самый запас хранящихся в сознании впечатлений и опыта

Кӱчык уш короткая память.

Тыгай произведений-влакым лудын лектат, да ушешет шарнымаш кужу жаплан шинчын кодеш. [/i]Н. Лекайн.[/i] Прочтёшь такие произведения, и в твоей памяти надолго остаются воспоминания о них.

Тылеч вара чодыра илыш эре ушыштем шога. [/i]В. Сави.[/i] После этого лесная жизнь постоянно в моей памяти.

4. мысль; то, что заполняет сознание, дума

Малаш? Уке! Начукын ушыжо тора кундемышке куржеш. [/i]В. Дмитриев.[/i] Спать? Нет! Мысли Начук бегут в дальние края.

Кававундашым ончен, мый ушем дене ала-кушто планет коклаште коштам. [/i]Н. Лекайн.[/i] Глядя в небо, я в мыслях витаю где-то среди планет.

Сравни с:

уш-акыл, акыл, шонымаш

5. ум, мудрость; обладание большим умом, основанное на основании знаний, опыта

А калыкмут ушлан поян. [/i]В. Юксерн.[/i] А пословицы богаты мудростью.

6. перен. душа, свойство характера

(Ӱдыр) уш дене поро лийже, поро ӱмыреш. [/i]В. Якимов.[/i] Девушка была бы душой добра, добра навеки.

Тыйын лай ушетше мыйын гаяк поро. [/i]А. Асаев.[/i] Твоя нежная душа добра, как и моя.

Сравни с:

чон, шӱм

7. перен. урок, наука; нечто поучительное

– Вес шовычшымат кооперативыштак налаш ыле, окмак! – ватыже марийжым вурса. – Весканалан уш! – ыштале Йогор. [/i]Д. Орай.[/i] – И другой платок надо было купить в кооперативе, бестолковый! – ругает жена мужа. – Впредь наука! – сказал Йогор.

8. в поз. опр. ума; относящийся к уму

Уш вий сила ума;

уш поянлык богатство ума.

Чекаште але уголовкышто уш подан еҥ-влак шинченыт. [/i]З. Каткова.[/i] В Чека или уголовке сидели люди с кладезью ума.

9. в поз. опр. умственный; относящийся к деятельности ума, сознания, мысленный

Мый уш паша дене илыше пролетарий улам. [/i]К. Васин.[/i] – Я пролетарий, живущий умственным трудом.

Кидпашаче уш пашаче деч шуко ила, маныт. [/i]П. Корнилов.[/i] Говорят, что работник физического (букв. ручного) труда живёт дольше, чем работник умственного труда.

Идиоматические выражения:

– уш гыч возаш

– уш гыч лекташ огыл

– уш гыч лектын возаш

– уш каен

– уш кайымешке, уш йомдарымешке

– уш кайыше

– уш каяш

– уш пудыранаш

– уш пураш

– уш пыташ

– уш шаланаш

– уш шинчаш

– ушеш возаш, ушеш толаш, ушыш возаш, ушыш толаш

– ушеш кодаш

– ушеш налаш, ушыш налаш

– ушеш пижаш

– ушеш пышташ, ушыш пышташ

– уш колташ, ушым колташ

– уш колтылаш, ушым колтылаш

– уш кучаш, ушым кучаш

– уш налаш, ушым налаш

– уш погаш, ушым погаш

– уш пуаш, ушым пуаш

– уш пудыраташ, ушым пудыраташ

– уш пурташ, ушым пурташ

– уш шинчыде, ушым шинчыде

– уш шинчыдыме, ушым шинчыдыме

– уш шындаш, ушым шындаш

– уш шындыше, ушым шындыше

– ушыш пураш, ушышко пураш

– ушыш шинчаш, ушышко шинчаш

– ушышто пӧрдаш